LAOAG CITY – Inbatad ni Dr. Paul Versoza, ti mangidadaulo ti Bureau of Immigration nga adda dagiti sumagmamano a ganganaet a naglabes ti panagtalinaed da ditoy pagilian wenno dagiti aliens. s
Kuna na a kaaduan kadagitoy ket nagtalinaed iti Pilipinas kabayatan ti pandemiya a nangrugi idi 2020.
Mainaig iti daytoy, inlawlawag ni Versoza a naipaayan ti pawayway dagiti nagover-stay a ganganaet agingga idi Disyembre itay napan a tawen rason a saan namulta wenno napatawan ti pannusa dagitoy.
Nu pay kasta, inbatad na nga apaman a natapugan ti 2022 nu sadino a nalukayan metten dagiti restriksyon kontra iti covid-19 ket naisubli ti pannusa kadagiti over staying dagiti ganganaet.
Kabayattana, kuna ni Versoza nga awan met pay ti namonitor nga illegal alien dito probinsya.
Immunan nga inpakaammo ni Versoza nga agingga iti Tallo a tawen laeng ti maited a panagtalinaed iti pagilian nu saan a residente.
