LAOAG CITY – Ad-adda pay a kimmaro ti problema iti salun-at ni dati a President Jair Bolsonaro iti Brazil kalpasan a dimmalan iti intestinal surgery iti nasapa a paset ita a bolan.
Naamoan a ti idadalan ti intestinal surgery ti dati a presidente ket gapu paylaeng iti isyu iti salun-at na kalpasan a nabagkong idi 2018 bayat ti campaign trail iti south eastern state ti Minas Gerais.
Basar iti medical team ti agtawe ti 70 a dati a presidente, nagtalinaed daytoy iti Intensive Care Unit ken dumalan kadagiti baro a tests.
Kabayatanna, napan binisita ti court official ni Bolsonaro tapno ipaay ti summon no sadinno a naipaayan daytoy ti lima nga aldaw a mangipresentar ti inisyal a depensa na kontra iti maipagrop a panangimandar na ti kudeta kas paset iti preparasyon para iti pannakausig na.
Maipalagip a maipagarop nga inmandar ni Bolsonaro ti kudeta kalpasan a naabak idi 2022 presidential election a ti nangabak ket ni left-wing President Lula da Silva.
Immunan nga inulit-ulit a naglikudan ni Bolsonaro ti alegasyon kenkuana ken inakusaran na dagiti kalaban na iti political witch-hunt.
