LAOAG CITY – Pinalagipan ni PCol. Frederick Obar ti Provincial Director iti Ilocos Norte Police Provincial Office ti publiko a saan a dagus a mamati kadagiti agkidkidaw iti kuarta iti online.
Kunana nga agridam kadagiti tattao nga scammer, nangruna dagiti agpampamarang a miembro ti pamilya.
Inpaganetget na a masapol nga iberipikar ken i-validate a nalaing dagiti maaw-awat a mensahe nangruna kadagiti saan ng am-ammu.
Daytoy ket gapu pay laeng dagiti napasamak iti kallabes, no sadinno a ti kaudian nga im-imbestigaranda ket ti panagusar ti scammaer iti nagan ti maysa nga opisyal.
Kabayatanna, ginutigot met ni Obar ti panakitinnulong ti publiko a no makapadas iti kastoy ket ireport a dagus iti pulisya.
