LAOAG CITY – Nangrugin ti Provincial Education Office nga agawat ti aplikasyon dagiti agkalikagum nga agbalin nga iskolar ditoy probinsya.
Inbatad Mrs. Carline Juan Agcaoili, education Research Assistant 1 iti nasao nga opisina nga ado ti maala nga iskolar para iti SY 2022-2023.
Kuna na a daytoy ket gapu iti kalikagum ti gobierno probinsial nga ad-ado nga agtutubo ti matulungan a makapagturpos iti panagadal.
Immuna iti daytoy, inpakaammo ni Agcaoili a dagiti agaplikar iti academic ken agri-fishery scholarship program ket masapol nga addaan ti average grade a 2.5
Inbatad na a dagiti agri-fishery iti segundarya ken arts scholarship program ket masapol nga addaan ti average grade nga 80 idinto nga iti senior high school ket nasken nga addaan ti average grade nga 85.
Mainaig iti daytoy, naiget ti pananggutigot ni Dr. Danny Daquioag, officer in charge ti Provincial Education Office kadagiti agad-adal nga agturong laeng iti opisina da para iti panagipasa ti aplikasyon ken nayun nga impormasyon seknan ti scholarship program.
