LAOAG CITY – Napadayawan ti Provincial Health Office gapu kadagiti sakripisyo da no adda ti kalamidad wenno aniaman nga insidente a rumbeng a marespondean.
Daytoy ti inbatad ni Dr. Rickson Balalio, ti mangidadaulo iti Provincial Health Office iti kapitolyo probinsyal.
Segun ken ni Balalio, napadayawan ti opisina da kabayatan ti selebrasyon ti National Disaster Resiliency Month.
Inpakaammo ni Balalio a kadwa ti Provincial Health Office ti Provincial Disaster Risk Reduction and Management Council ken ti Bureau of Fire Protection a mangididiaya ti serbisyo kadagiti umili no adda ti emergency wenno kalamidad.
Inkari ni Balalio nga itultuloy da ti naan-anay a pannakikamayet da iti nagduduma nga ahensya ti gobierno para iti panangipaay da ti makapnek a serbisyo kangrunaan na no adda ti mapasaran a kalamidad.
