LAOAG CITY – Manamnama a makaawat ti tulong pinansyal dagiti residente agraman dagiti Pilipino idiay Italya.
Iti report ni Bombo International News Correspondent Demetrio Rafanan iti Rome Italy, nangted ti gobyerno national ti pondo nga umabot iti 400 a milyon a euros wenno katukad ti 22.4 a bilyon a pisos iti kada ili ken siudad ti Italya.
Inlawlawag na a maikkan ti 300 a euros wenno katukad ti agarup 17 a ribo a pisos nti maysa a pamilya nga addaan ti maysa wenno dua a miembro.
Maipaay ti 400 a euros wenno katukad ti nasurok 22 a ribo a pisos iti pamilya nga addaan ti tallo wenno uppat a pamilya idinto a 500 a euros wenno nasurok 28 a ribo a pisos ti maipaay iti pamilya nga addaan ti lima a miembro agpatangato.
Ti pagalagadan ket maysa laeng a miembro ti pamilya ti mabalin nga umawat iti nasao a tulong.
Innayon ni Rafanan a babaen iti daytoy a tulong pinansyal ket adda tui usaren da a pangigatang kadagiti kasapulan da.
