LAOAG CITY – Inbatad ni ABC President George Padre iti ili ti Bacarra a maiyur-uray pay laeng ti resulta dagiti dimmalan iti swab test idi kalman.
Segun kenni Padre, karaman kadagiti dimmalan iti swab test ket dagiti nakapulapol dagiti innem a nagpositibo iti covid-19.
Kunana a dagiti innem a nagpositibo ket nadeterminar close contact met ni IN-C1030.
Inlawlawag ni Padre a nailockdown dagiti sumagmamano a a paset ti Barangay 1, Barangay 6, Barangay 10 ken iti Barangay 15.
Mainaig iti daytoy, inbatad ni Padre nga urayen da met ti rekomendasyon ti MDRRMO ken Rural Health Unit no mai-lockdown ti sibubukel a Barangay Bani kalpasan a nagpositibo ti maysa nga opisyal.
Iti agdama, kunana nga addaan pay ti siyam nga aktibo a kaso ti covid-19 iti ili ti Bacarra.
Kabayatanna, gutgutiguten ni Padre dagiti kailyan na a liklikan pay laeng ti agpasken ken saan a rumwar dagiti agtutubo wenno dagiti vulnerable iti sakit.
