LAOAG CITY – “Little bestie. my bestie,” daytoy ti nagbalin a post ni Ria Atayde iti Instagram stories nga umuna a ladawanda iti anakna idinto a ti maikadua ket kaduana ti asawana a ni Zanjoe Marudo.
Nalpasen ni Zanjoe a nag-shooting iti pelikula nga How To Get Away From My Toxic Family ti production ni Ogie Diaz isu nga arig chill dagiti agasawa kalpasan ti holiday seasons.
Ni Ria ket saan pay laeng a makasubli iti trabaho gapu ta inbaga ti aktor nga agur-urnong met daytoy para iti pamilia.
Maipalagip nga idi Setiembre ket nagpasngay ni Ria ngem saanda pay nga inpakita ken Zanjoe iti online ti rupa ti anakda nangruna ket masansan a nakatallikod ti rupa ti anakda.
Naammoan nga exclusive a mabuya iti SM Cinemas ti How To Get Away From My Toxic Family.
Kabayatanna, adda dagiti sumagmamano a movie offer ken ni Zanjoe a saanna nga inawat gapu kadagiti aginana.
