LAOAG CITY – Kinumpirmaran ni Atty. Diosdado Araos, mangidadaulo iti National Bureau of Investigation ditoy siudad ti Laoag nga adda ti maysa a rice dealer a nagingato ti presyo ti bagas kalpasan a naipatungpal ti public health emergency.
Kuna na a possible a mapilaan ti reklamo ti suplayer ti bagas.
Nupay kasta, saan nga innaganan ni Araos ti suplayer tapno saan a madadael ti panagimbestigar da.
Maipalagip idi nagsursur ti Department of Trade and Industry ken dagit maseknan nga ahensya ket adda dagiti sumagmamano a rice retailer ti nagipangato ti presyo ti bagas iti kada kilo.
Ti nagbalin a palawag dagiti rice retailers ket gapu ti panangingato ti suplayer da iti presyo ti bagas iti kada sako ti 25 kilos.
