LAOAG CITY – Inarak ti sumurok-kumurang 120,000 nga indibidual ti maysa nga stadium iti Douala, ti kadakkelan a siudad idiay Cameroon tapno agatendar iti misa ni Pope Leo XIV kas paset ti uppat a pagilian a panagbisita iti Africa.
Maisaysayangkat ti misa iti Japoma Stadium iti babaen ti naiget a seguridad.
Adda ti sumagmamano a deboto pay ti imyan iti rabii iti ruar ti venue tapno maimatangan a personal ti Santo Papa.
Iti gospel-na, nagpanawagan ni Pope Leo kadagiti umili a liklikan ti kinaranggas iti baet ti kinarigat.
Inpettengna nga adda ti umdas a baknang para iti amin no daytoy ket ipaay nga umno.
Iti panagbisitana, binabalaw ti Santo Papa ti maipatpatungpal a saan a patas ken ti impluwensia ti nabileg a pagilian iti lubong.
Immunan a nagbalin a kritikal isuna kadagiti sumagmamano a lider pakairamanan ni United States President Donald Trump.
Kabayatanna, agtultuloy a sangsangoen ti Cameroon ti nagduduma a parikot iti seguridad ken pulitika iti babaen ti panangidaulo ni Cameroon President Paul Biya.
Iti baet daytoy, nabara ti panangpasangbay dagiti umili ti Cameroon ken ni Pope Leo a basar kadagiti lider ti simbaan ket mangipapaay ti namnama ken inspirasion iti pagilian.
