LAOAG CITY – Dimmalan iti vaccination program ti Department of Health (DOH) ti agarup 5,000 a Pilipino nga Hajj pilgrims kas paset ti panagsagsaganada iti panagbiahe nga agturong idiay Saudi Arabia.
Basar iti Department of Health, napateg ti panagbakuna tapno maliklikan ti panagwaras dagiti sakit nangruna ket manamnama nga agatendar ti minilyon a deboto manipud kadagiti nagduduma a pagilian iti Hajj pilgrimage.
Karaman kadagiti kasapulan a bakuna ti kontra iti meningococcal disease a maysa kadagiti kangrunaan nga health requirements para kadagiti agturong iti nasao nga okasion.
Ginutigot ti ahensia dagiti pilgrims a siguradoen a kumpleto ti bakunada ken suroten dagiti health advisory tapno maliklikan ti panagsakit kabayatan nga adda iti sabali a pagilian.
Daytoy nga addang ket paset ti panangikagumaan ti gobierno a matarabayan ti salun-at dagiti Pilipino nga agatendar iti kadakkelan a religious gatherings iti lubong.
