LAOAG CITY – Inpetteng ni dati a House Speaker ken Leyte 1st District Representative Ferdinand Martin Romualdez nga awan ti nilabsingna a linteg ken nakasagana daytoy tapno mapaneknekanna iti babaen ti umno a proseso, kageddan iti panagbitla ni Presidente Ferdinand Marcos Jr. iti maikalima nga State of the Nation Address-na (SONA) a mangipila ti kaso ti Ombudsman kontra ken Romualdez.
Segun ken ni Marcos, kasapulan nga aramiden ti rumbeng mainaig iti imbestigasion iti maipagarup nga maanomalia a flood control projects.
Impaganetgetna pay a saan laeng a Presidente isuna iti pamiliana wenno gagayyem no diket iti intero a nasion ti Pilipinas.
Nupay nasakit ti nagbalin a rakurak ti Presidente para iti pamilia ni Romualdez, segun kenkuana ket irespetona daytoy ken binibigna kas paset ti agdama a proseso.
Kunana pay a bayat ti intero a panawen ti panagserbina kas public servant ken saanna a pulos nagkiddaw ti pabor iti Presidente.
Umanamong met ti dati a House Speaker nga ipatungpal ti umno ken ipaima ti legal a proseso ken dagiti ebidensia ti mangipakita ken saan a dagiti sayangguseng ti mangiyuna iti imbestigasion
