LAOAG CITY – Naan-anayen nga inpawil ti Russia ti panag-export ti diesel kalpasan a nangitunda ti kinakurang iti suplay ti gasolina dagiti drone attack ti Ukraine kadagiti refinery ti pagilian.
Inbatad ni Russian Deputy Prime Minister Alexander Novak a gagem ti addang a manayonan ti suplay ti diesel iti uneg ti Russia ken masolbar ti kasapulan ti lokal a merkado.
Pinalawa ti gobierno ti immuna nga apagapaman a panangipawil iti panag-export tapno mairaman metten dagiti producer ti diesel isut gapuna nga agarup sakupen ti sibubukel nga industria.
Iti baet nga inpetteng dagiti opisial nga umdas ti suplay ti gasolina ken diesel iti pagilian, naipadamag met dagiti nakaat-atiddog a pila dagiti lugan iti sumagmamano gasolinaan kabayatan nga agtultuloy ti gubat iti nagbaetan ti Russia ken Ukraine.
