LAOAG CITY – Pinaigetan pay ti Russia ti iyus-uswat na nga strikes iti southern Ukrainian region ti Odesa, a nangitunda ti panagpukaw ti kuryente ken pangta iti maritime infrastructure iti rehiyon.
Segun kenni Ukrainian Deputy Prime Minister Oleksiy Kuleba, nangiyuswat ti Moscow ti “systematic” attacks iti region no sadinno inbatad na iti napalabas a lawas a ti gubat ket posible a maiyakar ti sentro na iti Odesa.
Inbatad met ni President Volodymyr Zelensky a ti kanayon a panagatake ti Moscow ket tapno lapdan na ti access ti Ukraine iti maritime logistics.
Iti nasapa a paset ti December, nagpangta ni Russian President Vladimir Putin a puntiryaen da ti sever ti access ti Ukraine iti baybay kaggeddan ti drone attacks iti tankers ti “shadow fleet” ti Russia iti Black Sea.
Ti “Shadow fleet” ket ti ginasot a tankers ngabinusar ti Russia a mang-bypass iti Western sanctions a naipatakaw kalpasan ti full-scale invasion na iti Ukraine a nangrugi idi 2022.
Iti laeng napalabas nga aldaw, natamaan ti port infrastructure iti Odesa, a nakadadaelan ti civilian vessel basar iti regional governor.
Daytoy ti kaudian iti serye ti ginasot nga strikes a nangapektar iti power supplies iti rehiyon iti sumagmamano nga aldaw ken nakatayan dagiti tattao.
Idi laeng rabii ti Domingo, napukaw ti suplay ti kuryente ti 120,000 a tattao gapo iti panagatake ken nangitunda ti uram iti major port a nakadadaelann dagiti dinosdosena a containers ti arena ken vegetable oil.
