LAOAG CITY – Nagun-od ni Elena Rybakina ti umuna nga US Open trophy-na kalpasan nga inatiwna ni Aryna Sabalenka iti scroe a 6-4, 5-7, 6-2 iti women’s singles final iti Arthur Ashe Stadium idi Sabado, Setiembre 12.
Saan laeng a titulo ti nagun-odna iti balligi gapu ta nasukatanna ni Sabalenka ti No.1 spot iti WTA rankings.
Simmubbot ni Sabalenka kalpasan a nagun-od ni Rybakina ti umuna a set ngem nadominar ti Kazakhstani star iti deciding set ken nileppasna ti laban iti score nga 6-2.
Iti championship point, nakasubbot ni Rybakina kalpasan ti maysa a double fault ken pinalpas ti laban iti babaen ti service ace.
Naamoan a daytoyen ti maikatlo a Grand Slam title ni Rybakina ken maikadua ita a tawen.
Immunan nga inatiw ni Sabalenka iti Autralian Open final.
Kabayatanna, naputed ti 99-week reign ni Sabalenka kas world No. 1 ken saan a nagballigi a nakompleto dagiti titulona idi 2024 ken 2025.
