LAOAG CITY – Nagtalinaed latta ti karebbengan ni Senador Jinggoy Estrada a makipaset iti impeachment trial kontra ken ni Vice President Sara Duterte.
Inpetteng ni Estrada a saan pay a pinal a saanen a makapartisipar isuna kas senator judge iti impeachment trial gapu ta on-going pay ti proceedings iti kasona.
Inlawlawagna a mangipasa pay laeng daytoy ti komento ken oposision ken aramidenna ti amin ti legal a remedyo.
Kunana nga agingga a saan pay a naiyetnag ti final ruling, inpetteng ni Estrada nga agtultuloy nga ipaganetgetna ti karebbenganna nga aramiden ti constitutional duties kas senator-judge.
Inbatadna nga aniaman a rakurak a saan daytoyen a makaatendar iti impeachment trial kas senator judge gapu iti graft ken plunder cases ket maibilang a premature, awan ti pagibasaran ken tagabasbassiten ti integridad ti impeachment process.
Inkalintegan ni Estrada nga ammona dagiti maipatpatungpal a pagannurotan, proseso ken responsibilidad iti impeachment trial gapu ta naminsan daytoyen a nagserbi kas senator-judge.
Inpasingked ti agpanpanday linteg ti agtultuloy a panangrespetar iti bileg ti korte ken kadagiti proseso a nakailanad iti linteg.
