LAOAG CITY – Nagun-od iti ili ti San Nicolas ti kaunaan a kampeonato ti Basketball team iti Governor’s Cup 2024.
Inabak da ti ili ti Badoc babaen iti iskor a 81-75.
Segun ken iti Ilocos Norte Youth Development Officer a ni Mr. Willie Jake Sibat, nga agpada manipud iti Second District ti nagtinninnag para iti korona.
Inpakaammona nga adda met ti nanagbak manipud iti First District a kas iti Laoag City team.
Kinunana, nga iti benneg Volleyball ket nagun-od iti ili ti Bacarra ti kampeonato kalpasan nga inabakda iti ili ti Sarrat ken dagiti simrek iti Semi-Finals kas iti ili ti San Nicolas ken Laoag City.
Innayonna nga agpada ti premio a naawat ti basketball ken volleyball champions a nakaawatda ti P50,000, idinto a nakaawat ti P35,000 ti First Runner-up, nakaawat met ti 20,000 Second Runner-Up ken P15,000 ti First Runner-Up.
Iti agdama, ket planoda a maipangato ti maipaay a premio para iti Governor’s Cup inton sumaruno a tawen.
