LAOAG CITY – Maysa a pares ti ruby slippers nga insuot ni Judy Garland iti pelikula a “The Wizard of Oz” ket mailaklako ita kalpasan a natakaw nga addan ti dua a dekada ti napalabasen.
Ti sapatos ket inpabulod ti kolektor iti Judy Garland Museum ngem idi 2005, tinakaw daytoy ken nabirokan laeng idi 2018 iti tulong ti FBI.
Ti nasao a museo ket karaman kadagiti kalikagum nga ag-bid tapno maminsan manen a maala ti sapatos. Nakaukkon ti museo ti pundo. Nangilatang met ti $100,000 dagiti agpanpanday linteg ti Minnesota tapno suportaran ti bid.
Inadmitir ti agtatakaw a ni Terry Jon Martin nga inusarna ti maysa a martilyo tapno buongen ti display case ti sapatos tapno maalana daytoy.
Inbatad ni Martin, tinakawna daytoy gapu ta inpagarupna nga addaan ti diamante ti sapatos gapu ta nadamagna idi nga addaan daytoy ti $1 million insurance value.
