LAOAG CITY – Inlungalong ni Senate President pro-tempore Ping Lacson ti panangituding iti praktikal nga schedule para iti possible a pannakaiyuli iti Senado ti impeachment case kontra ken ni Vice President Sara Duterte.
Kalikagom ti senador a matulongan ti Senado a mabalanse dagiti trabaho a lehislatibo kabayatan ti panangakem na iti trabaho na iti impeachment trial.
Iti lungalong ni Lacson, maisayangkat ti impeachment trial iti kada Lunes, Miyerkoles, ken Biernes iti oras ti alas tres ti malem idinto a ti session ket Martes ken Huwebes.
Innayon na nga iti met bigat a maisayangkat dagiti committee hearing ken meeting tapno saan a maitantan ken mataktak ti legislative work ti Senado no inaldaw a plano da nga isayangkat ti impeachment hearings.
