LAOAG CITY – Inlawlawag ti Department of Justice a ti panangiyisyu ti ‘subpoena’ ket saan nga otomatiko a guilty ti maysa a respondent iti reklamo.
Segun ken ni Department of Justice Undersecretary Norman Dato a ti naiyisyu a ‘subpoena’ ket paset iti preliminary investigation stage ti prosecutionpanel iti reklamo nga iggemda.
Kunana a ditoy ti gundaway para kadagiti respondents a sungbatan ti alegasion a sangsangoen sakbay mapan iti panangipila ti kaso.
Maipalagip nga dinutokan ti Department of Justice da Sen. Robin Padilla, Lt. Col. Jean Robles ken dadduma pay a sumango iti panel of prosecutors tapno agisubmitir ti counter-affidavits-da, karaman dagiti ebidensia.
Sangsangoenda ti reklamo nga obstruction of justice mainaig iti napasamak a panaglibas ni Senador Bato Dela Rosa iti implementasion ti arrest warrant ti International Criminal Court.
Naikeddeng ti panangusig inton Setiembre 25 ken Oktubre 9 ti oras ti alas-2 ti malem iti Department of Justice.
No man absent wenno saan nga agatendar ti respondents iti nadakamat a panangusig, daytoy ket maibilang kas waiver iti karbengan a makapresentar dagiti respondents ti depensada.
