LAOAG CITY – Ad-adalen ti kampo ni Sen. Ronald “Bato” dela Rosa ti posibilidad a saannan nga awaten ti sweldo ken allowance na gapu iti masansan a panaglangn na iti sesyon ti senado.
Daytoy ti inbatad ni Sen. JV Ejercito kalpasan ti closed hearing ti Senate ethics committee.
Kuna na nga adda dagiti indikasyon a trataren ti kampo ni Dela Rosa ti nasao a rekomendasyon.
Immunan a ginutigot ti komite ni Dela Rosa a temporaryo nga isuko ti sweldo na kabayatan ti pannakatratar ti isyu ti masansan a panaglangan na iti trabaho iti senado.
Basar iti rekord, 31 manipod iti 58 session days ti 20th Congress ket saan a naatendaran ni Dela Rosa.
Nadakamat pay a saan a nagatendar ni Dela Rosa kadagiti sesyon sipud idi Nobyembre 2025 kalpasan dagiti report maipanggep ti maipagarop nga arrest warrant manipod iti International Criminal Court.
