LAOAG CITY – Inbatad ni Senate President Pro Tempore Sherwin Gatchalian nga isuna ti ag-preside iti impeachment trial ni Vice President Sara Duterte.
Inlawlawag na nga iti babaen ti linteg, gapu ta isuna ti Senate President Pro Tempore ket nagasumir metten kas acting Senate President, rason nga isuna ti rebbeng nga ag-preside ti impeachment.
Kuna na a gapu ta agdadamo iti baro a posisyon na ket kasarita na ti senate secretary tapno amwen ken makita ti schedule.
Maipalagip a naelektaran ni Gatchalian kas Senate President Pro Tempore kalpasan a nag-convene ti senado ken naikkan ti gundaway ti minority bloc-led senators a nangideklarar kenkuana kas acting Senate President.
Inpakaammo ni Gatchalian nga uray dagiti senator-judges ket masapol ti balbaliw a panagsapata da kalpasan nga isunan ti baro a presiding officer iti impeachment court.
