LAOAG CITY – Naisayangkat ti Simultaneous Provincewide Clean-Up Drive ken Tree Planting Activity iti Barangay Saud iti ili ti Pagudpud.
Daytoy ket kas paset iti selebrasyon ti maika-207 a tawen ti Ilocos Norte, ti probinsia a maibilang kas naandur, nabileg, ken natan-ok.
Ti nasao nga aktibidad ket inatendaran ti bise gobernador, dagiti bobokal, kasta met dagiti empleado ti nagduduma a lokal a gobierno iti panangidaulo dagiti local chief executives, karaman dagiti dadduma pay nga opisyal ditoy probinsya.
Mangipakita ti naisayangkat nga aktibidad iti naiget a panangtagiben iti aglawlaw babaen iti panagkikinamayet dagiti maseknan.
