LAOAG CITY – Nagpanawagan ti Samahang Industriya ng Agrikultura (SINAG) iti gobierno a saan nga ituloy ti plano a kissayan ti taripa dagiti imported a baboy, manok ken mais gapu iti maipagarop nga epekto ti lokal a sektor ti agrikultura.
Segun iti SINAG, ti aniaman a panagkissay ti taripa ket mabalin a makaapektar kadagiti lokal a mannalon ken mangpangato pay ti panagdepende ti pagilian iti imported a taraon.
Nagballaa pay ti grupo a mabalin a mangitunda daytoy iti nangatngato a presyo ken nakarkaro a food insecurity imbes a makatulong iti merkado.
Inkalintegan pay ti grupo nga uray umado ti importasyon ti karne, saan pay daytoy nga otomatiko a mangpababa ti presyo iti lokal a merkado.
