LAOAG CITY – Inpakaammo ni Mayor James Bryan Alcid a dagiti solar lights a nakaestablisar iti paset iti Bonifacio Street ket indonar ti supplier-na daytoy kadakuada.
Maragsakan ti Mayor gapu ta nabayag a planona daytoyen para iti ad-adda a pannakapasayaat iti side walks iti nasao a lugar.
Inbatadna a malaksid kadagiti solar lights ket naikkan pay dagiti mula ditoy tapno ad-adda manen a napinpintas iti kitana ken nalinong iti pagnaan dagiti tattao.
Inlawlawagna a sumarsarunona pay a paikkan iti paset ti Rizal Street tapno adda pay a maparaniag iti nasao lugar.
Inpasigurado ni Mayor Alcid ti agtultuloy a panangkita iti pagsayaatan ditoy siudad ti Laoag kangrunaanna kadagiti Laoageños.
