LAOAG CITY – Mamati ni Mayor Joseph de Lara iti ili ti Solsona nga adda ti maris pulitika na ti rimwar nga alegasyon kontra kenkuana mainaig iti maipagarop a panangiggem na iti barukong ti basalang nga aplikante.
Segun kenni de Lara, nadagsen ti alegasyon rason a rumbeng a mangipakita ti nasao a balasang ti ebidensya a mangpaneknek nga inaramid na ti alegasyon.
Ummuna iti daytoy, inakusaran ti saanen a nainaganan a babai nga iniggaman ni de Lara ti barukong na idi napan nagaplikar iti opisina na idi bulan ti Hulyo.
Inpetteng ni de Lara nga imposible nga aramiden na ti akusasyon gapo ta adda pay ti asawa na ken dagiti staff na iti dayta a panawen.
Malaksid iti daytoy, kuna pay ti mayor a saan a naka-lock ridaw ti opisina na ken agunget pay no nakarikep.
Inlawlawag na a ti nagreklamo nga aplikante ket saan a naala ken maipagarop a naka-bonding na ti partido met ti dati nga administrasyon iti nasao nga ili.
