LAOAG CITY – Nagun-od ti Spain ti sumaruno around a FIFA World Cup 2026 Final kalpasan a maabak ti France ti iskor a 2-0 iti semifinal nga ayayamda.
Nasapa a naala ti Spain ti puntos kalpasan a maiserrek ni Mikel Oyarzabal ti maysa a penalty kick iti umuna a kagudwa a paset ti ayayam.
Iti maikadua a paset ti ayayam, dinoble ni Pedro Porro ti iskor ti koponan iti babaen ti maysa a goal a nangpaiget ti laban kontra iti France.
Nupay indauloan ni Kylian Mbappé ti opensiba ti France, nagbalin a naiget ti depensa ti Spain a nanglapped kadagiti panagatake. Gapu iti daytoy, saan a nakapunto ti France agingga ti maudi a panagsultip ti referee.
Iti panangabak, immabante ti Spain iti final ti FIFA World Cup 2026 no sadinno a kalabanenda ti mangabak iti seminal iti baet ti England ken Argentina.
Kabayatanna, ti France ket agayayam para iti maikatlo a puesto iti torneo.
