LAOAG CITY – Inpasingked ni House Speaker Faustino “Bojie” Dy III nga agbalin nga ad-adda pay a transparent, adda ti pagsungsungbatan ken nakatutuk iti pagkasapulan ti umili ti panangtratar ti kamara de representantes iti nailungalong a P7.2 trilyon a 2027 National Budget.
Segun ken ni Dy, itultuloy ti Kamara de representantes dagiti reporma nga inpatungpal idi ti napalabas a budget deliberations, karaman ti napaigetan a transparency ken security measures tapno masigurado ti integridad ti nailungalong a pondo.
Kuna na pay a makatulong ti baro a nairubwat a LegisHear iti panangbukel ti budget gapu ta mangipaay daytoy ti gundaway kadagiti komunidad a maidanun dagiti prayoridad da sakbay a naan-anay a maaprubaran ti pondo para iti 2027.
