LAOAG CITY – Inlawlawag ti legal counsel ni Bise Presidente Sara Duterte a ni Atty. Paul Lawrence Lim ti Chua Lim & Associates, nga awan ti naawat ti Bise Presidente nga special treatment idi naipadalan daytoy iti formal booking procedure iti Quezon City Regional Trial Court.
Inlawlawag ti abogado nga insubmitir ti Bise Presidente ti bukodna a retrato iti korte para iti kasapulan a rekord, idinto nga umno ken pormal met a naala dagiti fingerprints na maitunos iti agdama a legal a proseso.
Kagiddan daytoy, pormal a pinasingkedan ni Lim a naikkaten wenno naisina ti arrest warrant a naipaulog ken ni Duterte kalpasan a naballigi a nangipila iti kasapulan a piyansa para iti kasona a grave threats.
Inbatad ni Lim nga uray ania ti isyu ti hurisdiksion iti nasao a kaso, awan ti panggep ni Duterte a makalibas iti linteg ken agtultuloy nga usarenna amin a legal a remedyona.
Gapu iti pannakaipila ti piyansa ken pannakaideposito ti maitutop a gatad iti korte, temporario a nawayawayaan ti Bise Presidente ken naliklikanna ti pannakaibalud bayat nga agtultuloy ti pannakadengngeg ti merito ti kasona.
