Naideklara ti state of calamity kadagiti dua a local government units (LGUs) idiay Negros Occidental kalpasan a nakairekord iti sumagmamano a milion a pisos a pannakadadael dagiti mula gapu iti El Niño phenomenon.
Nangipaulog ti deklerasion iti siudad ti Kabankalan kalpasan a naideklara iti ili ti San Enrique ti state of calamity idi napan a lawas.
Inbatad ni Governor Eugenio Jose Lacson a babaen iti bukodda nga aramid ket mabalin nga usaren dagiti dua a lokal a gobierno ti sumagmamano a pondo tapno masungbatan dagiti kasapulan dagiti maseknan a lokalidad.
Segun ken ni Kabankalan City Vice Mayor Miguel Zayco a nagtutunos nga inaprobaran ti City Council ti pannakaideklara ti state of calamity gapu iti El Niño.
Maibasar iti report ti Office of the Provincial Agriculturist a nadadael ti siudad ti Kabankalan kadagiti mula a pagay nga aggatad iti PHP41.91 milion.
