LAOAG CITY – Nakasublin iti panagay-ayam ni NBA superstar Stephen Curry kalpasan ti nasurok a dua a bolan a panaginana na gapu iti sinagaba na a minor injury iti akin-kannawan a tumeng na.
Saan a nakaay-ayam ti 4-time NBA champion iti uneg ti 21 a games manipod Enero 30, 2026 ken iti panagsubli na iti hardcourt ket nagtalinaed iti minutes restriction wenno limitado nga oras ti panagay-ayam.
Kabayatanna, iti nagbalin a laban ti Warriors ken Houston Rockets, saan a nakaumanay ti comeback ti Golden State Warriors iti naudi a paset ti laban tapno magun-od ti balligi.
Iggem paylaeng ti Golden State Warriors ti 5-point lead iti panagleppas ti umuna a quarter, iti iskor a 31-26, ngen naan-anay a naagaw ti Rockets iti maikadwa a quarter iti tulong ti 29-22 dominant run.
Immabot pay iti 10 points ti ti warriors iti panagleppas ti 3rd quarter ngem inkarigatan ti 2022 NBA champion ti simmubbot iti 4th quarter.
