LAOAG CITY – Inbatad ti Department of Agriculture (DA) ken ti Sugar Regulatory Administration (SRA) nga adda ti naawat da a manifesto manipod kadagiti sugar federations iti intero a pagilian nga agpanpanawagan para iti regulasyon dagiti artificial sweeteners ken paigetan dagiti addang kadagiti agdama maipatpatungpal a pagannurutan para iti dadduma pay a sugar substitutes a makaapektar iti panagkasapulan ti unas a napataud iti lugar da.
Segun iti Department of Agriculture, ti manifesto a naawat da idi Enero 30 ita a tawen ket inpatulod ti major sugar federations, karaman dagiti sugar millers, refiners ken dagiti kaalyado a grupo ti industriya.
Iti maysa nga statement , inrakurak ni Agriculture Secretary Francisco Tiu Laurel a kalpasan ti nagduduma a kons consultative meetings kadagiti maseknan iti industria ti asukar nga inrugi ti Department of Agriculture ken Sugar Regulatory Administration, ti isyu maipapan kadagiti artipisial a pagpasam-it ti nangitunda iti industria ti asukar iti napateg a panagkaykaysa.
Inpakaammo ti Department of Agriculture a ti isyu ket immuna a naiparuk-at babaen kadagiti sugar producers idi 2024 kalpasan nga inreport ti nasao a departamento ken ti Sugar Regulatory Administration ti pangta dagiti artipisial a pagpasam-it iti demand ti domestic.
Sipud idi ket naigeten ti panagmonitor ti Department of Agriculture ken Sugar Regulatory Administration iti importasyon ti sugar substitutes.
