LAOAG CITY – Nagtalinaed ti takder ti pamilya Villar nga awan ti inaramid da a saan a nainkalintegan iti baet dagiti reklamo a sangsangwen da iti Department of Justice.
Inpetteng ni Atty. Robel Lomibao, abogado dagiti Villar ken kumpanya da nga awan ti linabsing iti linteg dagiti yentante na.
Kuna na a ti panagatendar ti pamilya Villar iti preliminary investigation dagiti reklamo kontra kadakuada ket gagem na a dalusan ken paglikudan dagiti alegasyon kadakuada.
Maipalagip a nagpila ti reklamo a market manipulation, insider trading ken misleading disclosures ti Securities and Exchange Commission iti nasao a departamento kontra kada dati a senador Manny ken Cynthia Villar, Senador Mark ken Camille Villar, Villar Land Holdings and Corporation ken dadduma pay.
Mainaig iti daytoy, mangnamnama ti kampo dagiti Villar a naan-anay nga ibasura ti prosekusyon dagiti reklamo kontra kadakuada.
Mamati ni Senador Mark Villar nga awan ti natibker a pagibasaran wenno ebidensya a makaibaga nga adda ti linabsing da a linteg wenno intension a mangluko.
