LAOAG CITY – Makapaspasar dagiti babbai ti sakit a Polycystic ovary syndrome wenno PCOS no sadinno nga apektaran daytoy a sakit ti metabolism issues-da, acne, saan a matarigagayan a panagtubo ti buok ken kinaawan ti anak a pakaigapuan met ti nakaro a depresyon ken anxiety nga agtennag iti suicidal issues.
Maibasar iti panagadal ti Sweden a naipablaak idi 2016, adda 40% kadagiti babbai a nanggandat nga agpakamatay gapu iti Polycystic ovary syndrome ken iti panagadal idi 2022, dakdakkel pay ti peggad ti panagpakamatay gapu ta adu ti makapaspasar iti nakaro a panagdanag.
Segun ken ni Hillary Ammon, Clinical Psychologist ti Center for Anxiety & Women’s Emotional Wellness, masansan a makapaspasar ti suicidal thinking dagiti addaan ti medical conditions nangruna kadagiti addaan ti sakit a Polycystic ovary syndrome isu a masapol nga insigida nga agpakonsultar kadagiti doktor.
Iti panagadal ti Taiwan iti Annals of Internal Medicine, adda 18 a ribu a babbai a na-diagnose nga addaan iti Polycystic ovary syndrome a kaaduan kadagitoy ket nanggandat nga agpakamatay.
