LAOAG CITY – Inbutaktak ti Bangko Sentral ng Pilipinas (BSP) nga adda ti dua a bangko manipud iti pagilian ti nangipeksa ti interes a makipaset iti digital banking ti pagilian.
Segun ken ni Central Bank Deputy Governor Chuchi Fonacier, malaksid kadagiti foreign banks ket adda pay ti lokal a bangko ti kalikagum nga agbalin nga umuna nga Islamic digital bank.
Iyur-urayda pay laeng ti dua a bangko nga agisubmitir kadagiti aplikasion.
Naammoan a maysa kadagiti dinakamatna ket ti kangrunaan a bangko iti pagilian a Malaysia.
Maipalagip nga itantandudo ti Bangko Sentral ng Pilipinas ti digital banking para iti alsito a transaksion kadagiti umili.
