LAOAG CITY – Natalged ti tallo a Pilipino a mixed martial arts fighters kalpasan ti napasamak a ginggined idiay Thailand.
Naikeddeng a sumabak koma iti octagon da Muay Thai fighter Islay Erika Bomogao, Marwin Quirante ken Jean Claude Saclag para iti ONE Friday Fights 102 a maisayangkat iti Lumpinee Boxing Stadium idiay Bangkok.
Inbatad ti agtawen ti 24 a ni Bomogao a nakigtotda iti nasao a ginggined no sadinno nga inpadanonna ti panagkararagna kadagiti umili idiay Thailand.
Maipalagip a naruay dagiti natay ken nasugatan gapu iti idadayyeg ti napigsa a ginggined iti nasao a pagilian.
