LAOAG CITY – Nakasangpeten idiay Israel ti advance team ti United States military personnel ken dagiti sumagmamano nga advanced air defense system.
Basar iti Pentagon nga addaan ti nayon pay nga United States military personnel ti sumangpet kadagiti sumaruno nga aldaw.
Inbatad ni Pentagon Press Secretary Maj. Gen. Patrick Ryder a kadagiti sumaruno nga aldaw ket agbalinen nga operational ti anti-missile weapons a tumulong iti Israel kontra iti panangraot dagiti Hezbollah ken Hamas.
Naammoan a ti Terminal High-Altitude Area Defense (THAAD) ket kakaisuna nga United States missile defense system ti Estados Unidos a kabaelanna a dadaelen ti short, medium ken intermeddiate-range ballistic missile iti uneg ken ruar iti masakupanna a lugar.
