LAOAG CITY – Mapapati a makapaspasar ti diskriminasyon dagiti sumagmamano nga aglaklako ti baboy iti ili ti Solsona.
Daytoy ket kalpasan nga adda ti maysa a residente iti ili ti Solsona nga immay naglako iti ditoy ciudad ti Laoag ti baboy nga aggapo met iti ili ti Carasi ket napagsubli.
Segun kenni Mayor Joseph de Lara, idi nakadanon ti indibidual iti Barangay Bacsil ditoy ciudad ket maipagarop a napagsubli daytoy.
Iti impormasyon, idi napan iti ili ti Carasi ken iti laksid a naggapo met laeng iti nasao nga ili ti baboy ket saan a napastrek ti nadakamat nga indibidual.
Gapo iti daytoy, dagus met a timmulong ti lokal a gobierno ken Provincial Veterinary Office ngem ti nakita a liway ti indibidual ket saan a nangala ti sertipikasyon para iti panaglako ti baboy gapo ta ti Carasi ket maibilang a pink zone no pakaseknan iti African Swine Fever (ASF).
Inbalakad met ti mayor a masapol nga adda ti sertipikasyon dagiti mailako a baboy tapno saanen a maulit a mapasamak daytoy.
