LAOAG CITY – Nagdesisyon ti National Unity Party (NUP) at Liberal Party (LP) a baybay-an dagiti miyembro da nga agbotos maibasar iti konsensya da iti mapaspasangasangan a plenary vote ti Kamara de Representantes mainaig iti impeachment ni Vice President Sara Duterte.
Segun ken ni NUP chairman ken Deputy Speaker Ronaldo Puno, awan ti ipatungpal a party stand ti grupo da tapno respetaren ti kinawaya ti tunggal agpanpanday linteg a mangipatungpal ti responsibilidad da iti babaen ti Konstitusyon.
Inpetteng ni Puno a nagtalinaed a kaalyado ti administrasyon ti NUP, ngem no iti isyu ti impeachment ket masapol nga agpannuray ti bukod a pananghusgar ti kada miyembro.
Kabayatanna, inrakurak met ni Liberal Party president at dating Deputy Speaker Lorenzo Tañada III a “conscience vote” dmet ti agbalin a takder ti partido da.
Innayon na a napagtutulagan daytoyen ti House contingent da iti maysa a taripnong idi Marso 3 ita a tawen.
