LAOAG CITY – Inpakaammo ni Mr. Jefferson Miranda, agtartaraken ti baboy iti ili ti Pasuquin a dumanon iti 120 nga aldaw ti panagtaraken ti baboy.
Segun kenkuana, nakadepende ti balor ti bayad dagiti burias nangruna no aggapu dagitoy iti commercial farm.
Inbatadna nga arig ket ti mabaybayadan ket ti klase ti breed ti baboy isu a nangina no mailako dagitoy kadagiti gumatang.
Kunana nga iti agdama, ti presio ti burias a dumanon iti 12 a kilo ket lima a ribu a pisos manipud kadagiti accredited a farm idinto a dagiti aggapu iti ruar ket dumanon iti uppat a ribu a pisos.
Inlawlawagna a no ti nagatang a burias ket agbalor iti lima a ribu a pisos no sadino a dumanon iti lima a sako a feeds ti maipakan kadagitoy.
Mainaig iti daytoy, kunana nga agdagup iti 15 a ribu a pisos ti mabalin a magastos ti maysa nga agtartaraken ti baboy.
Innayonna a posible nga adda ti dua a ribu a pisos a ganansia apaman a mailako ti taraken a baboy.
Kabayatanna, inpakaammo ni Miranda a naminsanen a nangngegda ti maipanggep iti Farm to Market Investment ngem inpettengna a saanda a maallukoy a makipaset iti daytoy.
Immuna iti daytoy, nagballaag ti Sangguniang Panlungsod ditoy siudad ti Laoag iti publiko maipapan iti Farm to Market Investment.
