LAOAG CITY – Insigida a nagibakwit dagiti empleado iti Fukushima nuclear plant kalpasan a naiyetnag ti tsunami warning.
Nangiyetnag ti Japan ti warning kalpasan a timmama ti magnitude 8.8 a gingined iti far eastern coast ti Russia.
Adda ti sumurok uppat a ribu nga empleado ti nuclear plant ti nagibakwit para iti kinatalged dagitoy.
Awan ti nairekord nga aniaman nga abnormalidad iti planta kalpasan ti napasamak a gingined.
Maipalagip nga idi Marso 2011 idi nakarikna ti Japan ti magnitude 9 a gingined a sinaruno ti tsunami no sadinno nga adda ti sumurok 18 a ribu nga indibidual ti pimmusay.
