LAOAG CITY – Maysa a furniture company idiay Sweden ti nakagun-od ti world record kalpasan a napagtitiponna dagiti amin nga empleadoda tapno mangiyuswat ti kadakkelan a pajama party iti intero a lubong.
Kinumpirmaran ti records keeping organization a Guinness World Records a ti kompania nga Ikea ti akin-iggem ti titulo a “Largest Gathering of People Wearing Two-piece Pajamas at a Single Venue.”
Daytoy ket kalpasan a napagkukuyogda dagiti 2,052 nga empleado para iti maysa a party a nakasuot ti pajama.
Naiyuswat ti record attempt iti Almhult no sadinno a masarakan ti kaunaanda nga outlet.
Basar iti pannakangiwat ti kompania, inaramidda daytoy a Guinness World Record tapno maitandudo iti babaen kadagiti produktoda ti nasayaat a panagturog.
