LAOAG CITY – Agkakapsot dagiti sumagmamano nga OFWs idiay Kuwait gapu ti nakaro a bisin ken puyat.
Iti ekslusibo nga interview ken ni Princess Bell Buenavista, taga Barangay Sta. Ana, Solsona, Ilocos Norte ngem agdama nga agtrab-trabaho idiay Kuwait, inpakaammo na a maminsan da laeng a mangan iti kada aldaw iti pannaka-selebrar ti Ramadan.
Inbatad na nga iti laeng rabii a makapangan da isut gapu na makarikna da ti nakaro a bisin ken puyat gapu ta isu ti kangrunaan a panagtrabaho da.
Inlawlawag na a mabalin da met ti mangan iti bigat ken aldaw ngem mabain da kadagiti amo da gapu ta manarimaan ti panagayunar dagiti maseknan.
