LAOAG CITY – Kinumpirmaran ni Bombo International Correspondent Manny Pascua iti Hawaii nga adda dagiti natulid a poste ti kuryente nga addaan iti livewire a nangitunda ti uram idiay Princeville, Kauai.
Daytoy ket gapu ti napigsa nga angin a mapaspasaran ti nasao a lugar.
Malaksid ti daytoy, nagpukaw pay ti suplay ti kuryente, linya iti telepono a rason ti nakapukawan ti kuryente iti sumagmamano nga oras ti kadakkelan nga ospital ti nasao a lugar.
Inbatad ni Pascua nga adda pay dagiti century trees a natumtumba idiay Kauai idinto a dagiti parke a pagpipiknikan ket inanud ti danum.
Kabayatanna, inbatad ni Pascua a nasugatan ti agtawen iti 60 a lakay ken agtawen iti 22 a lalaki kalpasan a natupakan da ti natulid a kayo idiay Honolulu.
