LAOAG CITY – Nakagastosen ti sumurok P8 billion ti Commission on Elections (Comelec) iti agtultuloy a panagsagsaganada para iti umadanin a Barangay ken Sanguniang Kabataan Elections (BSKE).
Iti nasao nga eleksion ket naikeddeng iti umuna a lawas ti bulan ti Nobiembre ita a tawen ngem adda dagiti maawawatda a rakurak para iti pannakaitantan ti eleksion.
Iti pannakisarsarita ti Bombo Radyo ken ni Comelec Chair George Garcia, inpettengna a dakkel a paset ti pondo ti komision ti nausaren para iti panagsagsagana kadagiti eleksion paraphernalia kas iti panangimprinta ti balota.
Iti agdama adda laengen P11 billion a pondo para iti Honoria dagiti mangisursuro nga agserbi inton eleksion, para kadagiti training-da ken kadagiti maaramat a ramit para iti deployment-da.
Kabayatanna, naikeddeng ti panagdenggeg ti Senado inton sumarsaruno a lawas mainaig iti rakurak a panangilungalong ti pannakaitantan ti Barangay ken Sanguniang Kabataan Elections (BSKE).
Inbatad ni Chairman Garcia nga agingga a saan pay a nakanselar ti eleksion ket agtultuloy ti panagsagsagana ti komision, karaman dagiti panangbukel kadagiti sumagmamano a contingency measures.
Kabayatanna, basar iti record ti Commission on Elections COMELEC, sumurok-kumurang 70 million a Pilipino ti kawalipikado a makabotos iti Barangay ken Sanguniang Kabataan Elections (BSKE) 2026.
