LAOAG CITY – “Rehash” laeng wenno awan ti baro kadagiti insubmitir a sungbat ni Vice President Sara Duterte iti Senate impeachment court mainaig iti sangsangoenna nga articles of impeachment.
Inbatad ni Bicol Saro Partylist Representative Terry Ridon a karaman iti 11 House Prosecutors, ti “Answer” ni Vice President Duterte iti writ of summons ti Senate impeachment court ket kapada laeng ti insubmitirna iti House Committee on Justice no sadinno nga awan ti sinungbatanna nga alegasion.
Dinakamat ni Ridon a basar iti Executive Summary manipud iti kampo ni Duterte ket awan met ti direkta a sungbat daytoy iti panangpangtana iti biag ni Presidente Ferdinand Marcos Jr.
Iti baet daytoy, inpasigurado ni Ridon a mangipila ti House Prosecution Panel ti reply-da iti uneg ti panawen nga inkeddeng ti Senate impeachment court ken sungbatanda a naimbag dagiti argumento ni Vice President Duterte.
