LAOAG CITY – Naipasan iti Office of the Ombudsman ti supplemental affidavit ni Ramil Madriaga, ti maipagarop a dati a bagman ken aide ni Vice President Sara Duterte.
Ti nasao nga addang ket mainaig iti inwaragawag ti Ombudsman nga adda ti show cause order kontra ken ni Assistant Special Prosecutor Atty. Ryan Quilala.
Immunan nga imbasa ni Madriaga ti supplemental affidavit-na iti impeachment proceedings ti House Committee on Justice kontra ken ni VP Sara.
Inbutaktak ni Madriaga ti koneksyon ni Atty. Quilala iti bise presidente ken ti maipagarop a pannakaideliber ti minilyon a kantidad ti nasao nga abogado ken kasta pay ni dati nga Ombudsman Samuel Martires.
