LAOAG CITY – Maysa nga Australian surfer ti milagro a nakalasat manipud iti engkuentro iti maysa a bronze whaler shark kabayatan nga agsu-surfing iti Cheynes Beach idiay Western Australia.
Ni Dale Kittow, agtawen ti 37 ket kalmado idi sangoen ti pating kalpasan a nakitana ti sumungsungad a dalluyong.
Imbes a madanagan, napaspas nga inusarna ti surfboard tapno protektaran ti bagina.
Kalpasan ti insidente, nakitana nga addaan ti dakkel a kagat iti surfboard-na, maysa a pammaneknek a nagbalin a napeggad ti situasionda.
Iti baet ti kinarisgo, naannadna a linuganan ti surfboard ken nakigeddan iti dalluyong nga agsubli iti igid ti baybay tapno maliklikan ti sumaruno manen a pangta ti pating.
