LAOAG CITY – Adu nga adal ti nasursuro ni Sylvia Sanchez kas producer iti pannakipaset ti pelikula a Topakk iti Metro Manila Film Festival (MMFF) 2024.
Ti kukua ti pamilia a Nathan Studios ti producer ti action movie a pinagbidaan ti anak ni Sylvia a ni Arjo Atayde.
Saanen nga inbuksilan ti actress-producer no ania dagiti nasursurona ngem inpasingkedna nga adu nga adal.
Iti baet daytoy, agtultuloy ti panag-produce daytoy iti Nathan Studios.
Naammoan a ti umuna nga itampok ti Nathan Studios ita a 2025 ket ti distribution ti animated film a Buffalo Kids.
Ti Buffalo Kids ket maysa kadagiti pelikula a ginatang ti Nathan Studios iti Cannes International Film Festival.
