LAOAG CITY – Nagun-od da Emil Ohlsson ken Fredrik Nilsson, ti “Spin Duo,” ti baro a world record para iti titulo a ‘Longest Table Tennis Rally’ a nagpaot ti 13 nga oras, 37 a minuto ken innem a segundo.
Naiyuswat ti record attempt-da idi Hulio 20, 2024 iti Slice Malmö, maysa a ping-pong bar iti Malmö, Sweden.
Iti uppat a bulan a panagsanay, naaramidda ti panagsinnukat ti bola nga agtultuloy ken awan ti inanada kabayatan a supsuportaran isuda dagiti pagayam ken pamiliada.
Nagbalin a karit ti pokus ken multitasking kas ti taraon kabayatan nga agtultuloy ti ay-ayamda a naiget nga imonmonitor tapno maipasigurado a saanda nga agsarsardeng.
Napalaos ti ragsakda kalpasan a naartapanda ti dati a rekord nga inkeddeng ti dua nga umaayam manipud idiay Amerika.
Daytoy a balligi ket mangipakpakita ti dedikasionda iti table tennis.